الصفحة الرئيسية أغرب قصة حلا شيحة تٌربك السلم من الرقص عليه “مش أنا” 2021

حلا شيحة تٌربك السلم من الرقص عليه “مش أنا” 2021

رد تامر حسني على حلا شيحة


حلا شيحة الفنانة المصرية التي حظيت بقدر كبير ما بين الحظ والتوفيق أربكت السلم من كثرة الرقص عليه فاليوم متزوجة “أنا تبت” لا فن و غداُ مُطلقة فأهلا بالفن .

 

أين مشكلة حلا شيحة الحقيقية هل هي فتنة الشهرة أم ضمير التائب من عمل قررت و وقعت عقوده ثم تقاضت أجره ثم بعد أن ينتهي باي باي “مش أنا 

ساحة للرسائل ما بين حلا شيحة وتامر حسني

 

كان في الماضي القريب للصحافة الفنية المرئية والمقرؤة دور كبير في أن تكون ساحة للحروب والقيل والقال بين النجوم وبالطبع كانت العلاقات الشخصية لها دور كبير في ذخيرة هذه الوسائل

إلا أنه حاليا انتقلت ساحة المعركة إلى انستجرام وفيسبوك وما أدراك ما انستجرام أصبح الساحة الأشهر لتبادل الرسائل بين النجوم 

وكانت حلا شيحة قد أعلنت “توبتها” بحسب ما كتبت على حسابها على إنستجرام، ووجهت رسالة قالت فيها:

“أنا اتفاجئت جدًا بنزول كليب يجمع فيه مشاهد متفرقة من الفيلم وفي أيام ذي الحجة أيام مباركة، وخصوصًا بعد آخر بوست نزلته، ووضحت فيه أنا إيه”.

 

 معز مسعود تظهر في عقد قرانه على حلا شيحة

معز مسعود تظهر في عقد قرانه على حلا شيحة

وتابعت: “اتفاجئت أكتر خصوصًا بعد وعد تامر حسني ليا، وتأكيده إنه حيحترم رغبتي، وبعض الطلبات اللي طلبتها منه بكل احترام وود الصيف اللي فات، وأكد لي إنه هيحترم رغبتي”.

 

وأضافت حلا: “إحنا يمكن نجحنا بمقاييس الدنيا بس صدقوني بمقياس ربنا إحنا لم ولن ننجح، أنا عارفة ومتأكدة إن زملائي جواهم خير، بس للأسف فتنة الشهرة والنجاح مش بتخلينا نشوف ونقيس الأمور صح”.

 

 

View this post on Instagram

 

A post shared by Hala Shiha (@halashihanew)

 

 

واستكملت: “بتكلم من قلبي الكليب ده ميرضيش ربنا وأنا عيطت؛ لأني شفت نفسي في المشاهد دي، دي كانت زلة نتيجة ظروف مريت بيها، وكلنا بنغلط، ولازم نغلط، علشان إحنا بشر، بس المصيبة إننا بنغفل وبننسى”.

 

وتابعت: “أنا مش هتكسف من حد، أنا تبت من المشاهد دي، وهي لا تصح، وأنا غلطت، وبصلح، وأهم حاجة إن ربنا يرضى عني؛

لأن في الآخر ده اللي هينفعنا مش الشهرة، ولا النجاح لا هو مش نجاح أصلا؛ علشان النجاح الحقيقي حاجة تانية خالص، إحنا أغلبنا ناسينها إلا القليلين، الفن لو بيخلينا نبعد عن منهج ربنا ومنبقاش قدوة لولادنا يبقى باطل وميبقاش فن”.

 

ووجهت رسالة للفنان تامر حسني قائلة: “إحنا كلنا عندنا امتحان في الدنيا دي، وحابة أفكرك بالفيديو ده يا تامر اللي قلت فيه أنا مش بتمنى أموت، وأنا مطرب أنا دايما خايف من كده، كلام أكيد قلته في لحظة صدق جواك وجوانا كلنا”.

 

واختتمت حديثها قائلة: “كلنا بنغلط بس المهم في الآخر نتدارك الغلط ونصلح،

{إِلَّا مَن تَابَ وَءَامَنَ وَعَمِلَ عَمَلࣰا صَـٰلِحࣰا فَأُو۟لَـٰۤىِٕكَ یُبَدِّلُ ٱللَّهُ سَیِّـَٔاتِهِمۡ حَسَنَـٰتࣲۗ وَكَانَ ٱللَّهُ غَفُورࣰا رَّحِیمࣰا}..

 

الله على كلام الله، وجماله يا سلام لو أصواتنا ومواهبنا كلها نستعملها في الخير عشان يبقى فن بجد”.

 

رد تامر حسني على حلا شيحة

علّق الفنان تامر حسني على مهاجمة الفنانة حلا شيحة له، وذلك بعدما شارك بفيديو غنائي من فيلم “مش أنا” عبر صفحته الشخصية، وهو ما أزعجها

 

رد تامر حسني على حلا شيحة

رد تامر حسني على حلا شيحة

وقال “حسني” عبر صفحته الشخصية بـ”فيسبوك”: نهاركم جميل يا أغلى الناس، الحقيقة عمري ما بتخيل إني أدخل في نقاش بالشكل ده مع زميل بحترمه وكان في بينا كل خير، للتوضيح بما إنك يا حلا كتبتي بوست وأشركتي الجمهور الكريم معانا بدل ما كنتي تكلميني شخصياً ونتناقش بيني وبينك، فا أنا مضطر أرد هنا برضو.

 

 

وتابع: أولاً أنا عمري ما وعدتك إن الكليب مش هينزل دا محصلش أصلاً يا حلا مش أنا خالص اللي أوعد وأخلف، الحقيقة أني احترمت كلامي معاكي

ووعدتك أشيل مشاهد تانية طلبتيها وشيلتها بالفعل وشكرتيني عليها ولو حابة تفتكري المشاهد اللي اتشالت بعد إذنك روحي شوفيها في المونتاچ عند الأستاذ عمرو عاكف أو كلميه يبعتهالك كلها موجودة،

وبعدين الفيلم بقاله ٣ أسابيع في السينمات والكليب موجود جوة الفيلم هو بالنسبالك الحرام إننا ننزل الكليب على اليوتيوب بس.

 

واستكمل: إنما الكليب يتشاف جوه السينمات عادي؟ منطق غريب فعلاً يا حلا، وبعدين هو مش إنتي اللي مضيتي عقد وتقاضيتي عليه مبلغ كبير عشان الدور ده بعينه،

 

هو مش إنتي اللي صورتيه ومثلتيه بنفسك وبمنتهى الرضا ولاّ حد أجبرك ؟! وللتوضيح للجمهور الكريم أنا والمخرجة الأستاذة سارة وفيق بعتنالك

 

وكنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظة تقوليها، ماكنتيش بتردي علينا وتليفوناتك كلها كانت بتقفل في وشنا.

 

واستطرد: إنتي للأسف يا حلا متعاملتيش صح مع الموقف كان لازم تهتمي بأمرك أكتر من كدة ولو كان ليكي أي طلب تاني كنت هعمله بكل حب

 

إنما إنتي فجأة اختفيتي ومكملتيش تركيب صوتك في الفيلم ولا جيتي تتصوري عشان أفيش الفيلم أصلًا ومخليتيناش نعرف نعمل أفيش مجمع،

 

وبقيتي تقفلي تليفوناتك وتكنسلي علينا كلنا وبعدين أي فيلم بيبقى له خطة مسبقة في الدعاية وإنتي عارفاها كويس ووافقتي عليها

 

وده كليب رومانسي يعني معقول كنتي عايزة المنتج يشيل كل مشاهدك اللي صورتيها من الكليب ويطلعني بغني وبقول الكلام الرومانسي دا للأستاذ ماجد الكدواني مثلاً هو دا يُعقل؟ .

 

واختتم كلماته قائلًا:  أنا زعلان منك جداً يا حلا على مفردات البوست بتاعك غير الموفقة ومستحيل هرد بطريقتك اللي فيها تجريح واتهامات باطلة ليا احتراماً لحجات كتير يمكن فايتاكي

بس مش هتفوتني وعلى فكرة أنا واثق إنك عارفة إني مستاهلش منك كده وهكتفي بالتوضيح ده وربنا يهدي الجميع ويكتبلك كل الخير اللهم آمين .

 

بوستر فيلم مش أنا بدون البطلة حلا شيحة

بوستر فيلم مش أنا بدون البطلة حلا شيحة

 

المنتج محمد العدل لـ حلا شيحة:

لو الكليب اتعرض فى جمادى الأول يمشى معاكى

 

وفي رسالة تحمل نفس المعنى وجه المخرج محمد العدل، رسالة للفنانة، عبر حسابه الرسمي بموقع فيسبوك.

انتقد المنتج محمد العدل، الفنانة حلا شيحة بعد البوست الطويل الذى تتبرأ فيه من فيلم ” مش أنا” للنجم تامرحسنى، ومن مشاهدها فى أغنية “بحبك”، والتى جاءت ضمن أحداث الفيلم، وهى عبارة عن مشاهد رومانسية تجمعها ببطل الفيلم تامر حسنى.

وكتب محمد العدل، عبر حسابه على فيس بوك، قائلا:

” طيب سؤال لو الكليب اتعرض  فى شهر جمادى الاول  مش ذو الحجة كان يمشى معاكى ده كلام معز هو اللى ماسك الموبايل صح خبيه منه”

وكتب “العدل”: “يا ريت بس لما تطلقي ما ترجعيش تقولي عايزة أمثل تاني يا أستاذة حلا”.

 

وتفاعل الجمهور، وجاءت التعليقات على النحو التالي:

“هتقول طبعا، وصدقت والله، وإنت جبت الخلاصة، مفيش مبدأ، ومتناقضة مع نفسها”، وغيرها من التعليقات.

ثم جاء رد والدها أحمد شيحة:

كما رد الفنان التشكيلي الكبير أحمد شيحة علي تصريحات ابنته :

” كلام ما يصحش، وهى صورت الفيلم وكانت معجبة بيه جدا، والكلام ده ما اعرفش أساسه إيه، إنتى صورتى وخلاص.. مش دى حلا اللى أنا أعرفها“.

وأضاف والد الفنان حلا شيحة قائلا: “كانت عاتبت تامر حسنى فى التليفون، وأنا حضرت أول يوم تصوير معاهم وكان فرحان بينا جدا، وأقول لتامر مبروك، الفيلم ناجح جدا نتيجة لمجهود أتعمل، وبهنئ الناس اللى اشتغلت فى الفيلم، والحمد لله الفيلم حقق إيرادات غير مسبوق“.

وتابع الفنان التشكيلى الكبير حديثه قائلا: “غير موافق على كلام حلا على الإطلاق وما ينفعش الكلام ده، ومش عشان خاطر هى بنتى هطاوعها فى الغلط”.

كواليس المشاهد المحذوفة لحلا شيحة

 

كشف المونتير عمرو عاكف، عن طبيعة المشاهد التي تم حذفها والمشار إليها من قبل الفنان تامر حسني.

 

كواليس المشاهد المحذوفة لحلا شيحة

كواليس المشاهد المحذوفة لحلا شيحة

وقال عاكف : 

بالفعل حذفنا مشاهد كتيرة جدا من الفيلم بناء على رغبة الفنانة حلا شيحة، وكلها كانت مشاهد عادية ومفيهاش أمر مخجل أو مسئ، بس حذفناها بناء على طلبها.

 

جورنال العرب / وكالات 

 


مقالات ذات صلة

اترك تعليقا

يستخدم هذا الموقع ملفات تعريف الارتباط لتحسين تجربتك. سنفترض أنك موافق على هذا ، ولكن يمكنك إلغاء الاشتراك إذا كنت ترغب في ذلك. قبول قراءة المزيد